helenblog

鴨母寮故事--內底田賣去矣 大兄欲娶大嫂入門。 這是德仔家外媽做的親情，彼陣，大兄二十八歲，我讀高中。 娶新婦著thai5雞倒羊，tshuan5媒人錢和聘金禮。國一彼冬娶二嫂，阿母共農會貸款借錢；這擺，阿爸賣內底田。 事過境遷，到今，二兄和我猶原無了解，阿爸賣這khu田，阿公哪無講話咧？到底是啥物緣故？二兄毋知，大兄敢知，有啥人知影原因咧？ 這是二兄提出的疑問，我會記得，當時感覺足毋甘，吼幾若擺，因為，佇彼khu園有足濟和序大人相處的點點滴滴。

啊，我無共阿媽煮飯！ 細漢戇想，毋知時間寶貴。 tshit迌規工無張無持就黃昏暗矣，遠遠佇門口埕外面（廟前），阿公阿媽已經駛牛車轉來矣。 愈想愈見笑，我哪不時袂記持共阿媽鬥煮飯，到底有幾擺是會記得的，敢有兩、三遍？ 心肝頭有講袂出的歹勢和遺憾，我到底咧無靠啥？敢有影規工咧做功課？照顧小妹？抑是顧看電視顧看閒冊？ 彼陣有夠實頭！哪袂曉寫清單，一項一項按表抄課，聊聊仔來就好。 閣較想袂到的是，阿媽規工做工課，已經忝甲會呼雞袂pun5火，伊毋但毋bat講半句話，嘛毋bat罵過我。

昨昏和壽仁去士林慈諴宮拜拜。 媽祖廟佇夜市仔內底，是1796年（清國嘉慶元年）起的。毋過，1859年（咸豐九年）漳泉拚鬥，舊廟燒去，士紳潘永清佇八芝蘭新街重建，所以，士林媽祖也叫新街媽祖。 主神媽祖婆，另外，廣澤尊王（泉州人原鄉信仰），道教祖師張天師（道陵），玄天上帝，註生娘娘，城隍老爺與福德正神，功德堂有服侍地藏王菩薩和歷屆主任委員。 日本時代慈諴宮曾經做八芝蘭公學校分教場（今士林國小），士林信用組合辦公室（今士林農會），是集合宗教、教育和經濟一體的信仰中心。1954年，廟前起三座並排戲臺，全台灣獨一無二。2015年，廟後空地起造後殿（文史館）和辦公廳。 慈諴宮、舊街神農宮和芝山巖惠濟宮是士林三大廟。2001年，慈諴宮大規模古蹟整修，其中四季平安浮雕、清國石獅和龍柱，典雅古樸。日本時代，有正殿的交趾燒、木雕對場作、木雕結構、正殿竹葉詩、祈求吉慶堵，作工幼膩。戰後，有戲臺、門神、神龕木雕，精彩大範。 慈諴宮廟身建築年前久遠，多次重修，猶原保存古意。近來社會經濟水準提昇，管理當局囥袂少政治人物的碑刻、牌匾和石雕，予人感覺廟前空間複雜，加上媽祖廟佇士林夜市內，予周圍非法攤仔位包圍，漸漸失去大廟的恢宏開闊。

2015年3月23日 上午9:46於 "黃恬昕" 寫道： 根據小姑姑口述，在她小時候的記憶裡，家裡已經擁有六甲田地了。 有一次和奶奶在家剝花生殼，驚艷已剝殼的生花生皮顏色粉嫩美麗，讚歎一聲。奶奶隨口說她剛嫁來的時候，嘴唇就是這個顏色哩！奶奶說，結婚當時家裡雖然只有埤尾四分多的土地，曾祖母說話的口氣已經很驕傲。 奶奶又說，和爺爺結婚不久，記得孩子還背在背上的時候，常常聽見隔壁三嬸婆說，她們要分給每個小孩一甲田產。奶奶心裡自忖，什麼時候我們才能分給每個孩子一甲田地？根據小姑姑口述，在她小時候的記憶裡，家裡已經擁有六甲田地了。（小姑姑（追憶父親大人）口述錄音，黃恬昕整理） 小姑姑屬虎，中華民國三十九年出生。而家裡檜木造五間厝是在父親娶媳婦，也就是中華民國四十四年的時候，由時間點可推知，爺爺應該在中華民國四十五年前後已經購置六甲田產了。（詳細細目應再核對地籍資料。） 爺爺成功之道，就是勤儉持家 小時候負責幫爺爺保養腳踏車的三哥，曾為文記述祖父的為人與做事。他說，祖父做人行事端正，說話講信用，對於村裡大小事情，無不鼎力相助，很受到鄰里敬重。常聽到父親說，當時建造五間厝的時候，是整個村裡出動牛車搬運建材而來，可見祖父之高人氣。 祖父的勤儉精神，六保之內皆知。他幼年失怙，與寡母兄弟相依為命。九歲時，在母舅家裡幫傭也難免受到輕視與侮辱。但他都將這些看成是人生必要的磨練，時時警惕自己要比別人更堅強更用功。聽二哥說，小時候不懂事，常聽爺爺說，全家丁口牙齒敲一敲滿籮匡。意思是說家裡人口眾多，食指浩繁，雖然說有吃才有力做事，但是爺爺的勤儉也是眾人皆知。 二哥說，小時候嘴饞，想要跟阿公要錢買零嘴，爺爺說，剛剛不是才吃過飯嗎？夏天天氣酷熱，看見人家吃冰，口水都要流出來了，想了一想，還是不死心，硬著頭皮跟阿公討著要吃涼水，阿公回答說，待會兒就要吃飯了，小孩子不要貪吃。 有一次和廟邊的海瑞嬸婆聊天時，她也說，村裡種田人家，無不是含辛茹苦，省吃儉用，累積一點家產，但是說到海伯阿，他的成功，不但是具備了比別人更多的辛勞，他的節儉是出了名的。

50句（王秀容師） 1、（著、就、都） 阿弟仔勇甲一隻若牛，伊不時都講：「寒人食礤冰是上著時的好滋味。」據在阮按怎苦勸，伊就是無咧信篤。 2、（袂、未、覓、莫） 阿妹仔足急性，莫怪伊規透早一直問阿媽，菜頭粿炊熟未？阿媽 講：「阿妹仔，妳啖看覓。」阿妹仔講：「熟矣！毋過，足燒， 這馬猶袂當食。」 　 3、（佇、咧、佇咧、在） 阿兄佇門口埕咧拭阿公的鐵馬，才兩下手，就拭甲金鑠鑠！伊老神在在，佇咧聽候阿公來看。 4、（食、才、遮、遮爾） 老師共伊的外國朋友講：「阮臺灣遮，一四界的風景媠噹噹，物件 閣遮爾好食！恁逐家若無棄嫌，一定愛去耍看覓食看覓才著。」 5、（攏、都、就） 毋管你佇庄跤，抑是都市都攏看會著苦楝仔的跤跡。苦楝仔的樹葉佇寒人就落了了，干焦賰苦楝子掛佇樹頂。過年過，花開了，葉仔就閣發甲青青青。 6、（得、著、對、就） 搪著奇月日的25，阿妹仔就會去提發票來對號碼。若有著得伊就暢甲，若無著，伊就佇遐吐大氣，若消風的雞胿仔仝款。 7、（个、下、的、會） 阿母講：「遮的錢愛儉起來納下學期的註冊費。」伊閣講：「恁兩个攏會讀冊，愛閣較拍拚喔。」 8、（打、拍） 老師講：「莫佇打馬膠埕拍球，傷熱矣。」 9、（仔、啊、矣、抑） 熱人到矣，規條街仔路，毋管是果仔擔抑是飲料店，食涼的退火的，正港是窒倒街啊。 10、（閣、毋過、猶閣） 到今，疫情漸漸退去，毋過，坐捷運的人客猶閣喙罨掛牢牢，規條街路估行的，騎車的，駛車的，嘛是喙罨不離身。 11、（ 囡、囝） 阮是阿爸阿母的心肝仔囝，毋管是查埔囡仔抑是查某囡仔，in攏是惜命命。 12、（敢若、千焦、毋但） 老師講：「這擺敢若干焦兩、三組欲報名比賽，毋但參賽組別少，阮的贏面嘛誠大。」 13、（若、哪、那）， 今仔日，阿姐哪會歡頭喜面，那唱歌那跳舞，敢若有啥物好空的喔。 14、（偌、外） 阿媽叫我去外口看覓，雨落偌大？ 15、（欲、愛、要） 老師講：「欲食晝進前愛先洗手，食煞閣愛洗喙。逐家只要照起工做，就免驚會蛀齒矣。」 16 、（規、歸） 阿母講：「今仔日暗頓無夠米通煮飯，規氣咱來外口食當歸鴨肉冬粉。」 17、（遮、這、彼、遐） 阮遮是內田，作穡的， in彼是外海，掠魚仔的。 18、（哭、吼） 阿妹仔捙倒磅米芳，吼甲若咧霆雷公。聽著阿兄共安慰，伊才無閣哭。 19、（到、甲、佮、共） 過年若到，我佮阿嫂就會轉厝共阿媽鬥炊...

一條面巾 黃恬昕 阿媽捌共我講「一條面巾」的故事。 一百年前，台灣社會就真注重衛生，彼陣就有大摒掃的規定。 阿媽講：「有一擺大摒掃，規厝間的物件，攏愛搬出來外口，逐家摒甲大粒汗細粒汗。摒好的物件嘛囤甲一四界。 逐家攏足緊張，阿本仔大人連鞭欲來矣！眾人你一句我一句，厝裡大細項家私，自頭到尾閣點一遍，看有啥物物件落勾去無？ 雄雄，阿媽講，「今害矣，有一條面巾猶未提出來呢。」這聲悽慘矣！阿媽三步做兩步，趕緊去共彼條面巾提出來。 阿媽那想那講：「若想著欲走入去提彼條面巾，到今猶感覺心肝頭噗噗惝！」「阿本仔大人有夠歹，有夠惡，磕袂得就會予摃甲哀爸叫母。」阿媽講。 阿媽胸坎搭搭咧，講彼擺是「好米請著好人客」，好運搪著好人。伊講彼擺若像有影著巡查，嘛有可能警察有看著阿媽走入去房間內底，誠好佳哉大人無揣伊麻煩。 這馬，佇學校，學生囡仔攏有大摒掃，每一學期，上起碼愛大摒一、兩遍。台灣人的衛生習慣好，醫療水準懸，就親像這擺的疫情仝款，正港是世界有名，通人呵咾。