我佇針車跤khioh著錢

我佇針車跤khioh著錢 1. 過去拾元面額鈔票印刷色水是紅的，sui2-sui2，毋 知逐家猶有印象無？ 2. 我差大兄十歲。讀高年級雞兔同籠數學題是伊教的。 3. 代誌發生（敢是）佇伊讀高中，我讀小學無外久。捌看 過大兄佇阿母的針車頂做功課。（阿爸房間倚門口埕的 窗仔邊）阿兄無細膩落三、四張拾箍元的銀票。 4. 毋知別人兜的gin2仔有所費通買四秀仔無，阮兜無。 5. 我peh thuah門橫杆偷提烏藥丸食，趁阿母睏中晝 偷nih看皮包內底有零星通tiuh一兩角無？提去店仔 抽抑是買啖sam2食，四界khioh銅管仔換麥芽，趁雨 縫khioh露螺去賣，為著這e5永遠都that袂滇的喙空 ，無所不至。中晝和細漢兄哥去割草（予牛食）趁人睏 中晝挽puat8仔，（有時陣khioh露螺，經過人的果子 園嘛會順手牽羊，看著就共挽來食。） 6. 講著細漢哪會遐枵鬼，彼三，四張銀票袂記得用幾張去 換四秀仔食了！（阿母尾仔有問khiat仔--黃尋in某 才知。）