搪著二姨--思念阿母

搪著二姨--思念阿母 1. 成十年前（？）佇俊傑外媽告別式拄著二姨，聽伊講誠濟我細漢的代誌，我驚一大tio5。原來，阿母知影 足濟代誌，大人無講話，並無代表in毋知。 2. 逐擺，搪著母舅親情，倍感親切。毋過，逐家一人一家代，逐家無閒士農工商，攏毋捌相揣，干焦婚喪場 合才有見面講寡話。 3. 其實，活甲今，是按怎對母舅、阿姨的感情遮爾深厚，我想，（細漢）阿母捌tshua7我去牛挑灣有淡薄仔關 係，不而過，彼陣猶未讀冊，傷細漢袂記得足濟細節，干焦有kho2-tsut-tsut的親情化袂開。 4. 讀國中的時，拄考第一次月考，逐e5人攏捎無tsang2，毋知第二名黃淑貞是佗一口灶的gin2仔？聽二姨講 起，這馬想起來，既然阿母攏知影，第一名是李雅惠，伊是大兄的老師李魁一老師的千金；第三名許二月 的阿爸許老師因為早已經過身，逐家較毋知，毋過，阿母知影。（因為許老師是牛挑灣人。）