阿爸足在膽--思念阿爸

阿爸足在膽--思念阿爸 1. 阿媽共我講一e5阿爸細漢的故事。 2. 阿媽講，阿爸細漢愛綴路，有一改綴去水利所。阿媽那 講那笑，lin2阿爸看著“金九仔”的狗仔古錐，就佮伊 耍袂煞。大人咧無閒，lin2阿爸嘛無閒咧耍，攏袂驚 生份。 3. 阿媽講，伊佇邊仔，那看那驚，煩惱這e5gin2仔袂 曉得，毋知主人家是熊抑是虎，攏袂驚人受氣。講啊講 ，阿媽閣講，有聽著lin2阿公講，進前無偌久有掠一 隻雞去予金九仔，按呢阿媽就較安心啊。 4. 阿爸自細漢十外歲仔，拄著寒熱仔，好去了後，講話就 較頇顢，毋過，伊做工課猛醒，伊駛牛猛掠的款是通人 呵lo2。厝裡濟園，若毋是阿爸gau5駛牛，欲按怎趕會 著播田的節氣。 5. 作穡人溫馴袂計較，阿爸對待兄弟姊妹的感情是若豆腐 彼款，厚閣軟軟。雖罔工課做了咧累有時喙裡會nauh 兩句，不而過，彼攏是喙裡講講咧爾爾，講過就煞 煞去矣。