烏藥丸--思念阿母 鴨母寮厝裡，除甲新起的伸手無算，總共閣有四間，總舖房間攏有設thuah門。 毋過，這尾手thuah門咧換新布的時，哪有一間thuah門的橫杆減幾偌支橫杆咧？ 講著阿爸這間thuah門的橫杆無去，就想著過去做gin2仔的時就不時咧腹肚枵, gin2仔人誠通光，知影房間壁頂有烏藥丸。 別人有糖含仔，我（細漢）食烏藥丸相拄。伊略仔苦甘苦甘，哺著袂輸軟糖仔。 細漢提袂著，毋才跤踏thuah門的橫杆爬起去偷me藥丸。一擺兩擺…橫杆斷了一支閣一支。 序大人無閒做工課，轉來到厝款好食飽就已經是會呼雞袂pun火矣，實在管袂著我這e5 枵鬼gin2仔，不時就枵hoo3-hoo3。