鴨母寮故事7--啥是細姨生的？

鴨母寮故事7--啥是細姨生的？（請二兄校正、補充四叔佮五叔的學歷，謝謝。） 1. 阿媽生五男二女。第三阿叔黃清河著瘧疾（Malaria）10歲就過身。聽阿媽講三叔曲去的時陣，in老師足 毋甘有來共拈香。老師講三叔毋但足巧閣捌代誌。阿媽講伊欲死進前，阿媽tshua7去樸仔跤予先生看，伊 閣煩惱細漢小弟（五叔仔）無人顧欲按怎？ 2. 阿伯自細漢讀冊閣佇外口食頭路，四叔仔東農（？）出業了佇吳厝做生理頭殼較有變竅。 3. 阿爸（二叔仔）自細漢留佇阿公身軀邊作穡，阿公gau5拍算，先共阿母娶入門鬥做工課，阿爸才去做兵。阿 媽驚做兵危險下願阿爸平安轉來就食長年的早齋。 4. 阿爸火hu性，捌因為園裡潑水灌溉的代誌佮隔田過庄人起衝突。雖然是外庄人壓霸毋著，從此，阿爸煞予人 點痣做記號矣。 5. 五嬸問阿母，二嫂，二叔佮明仔（五叔仔偏名）敢（有影）是細漢生的？