鴨母寮故事6--厝裡分食

鴨母寮故事6--厝裡分食（1970左右） 1. 五歲分食進前，我干焦有足淺的記持。 2. 五嬸仔轉外家就會kuann7果子來，我自細漢就有食過林puat8林的愛文，suainn7仔厚汁，彼陣細漢猶 袂曉得，見若食著都沐甲規身軀。 3. 四嬸、五嬸攏tua3佇厝裡，毋過四叔仔佇吳厝賣農藥（開店賣農藥，閣tshing3人咧共人tshu7農藥。） 五叔仔佇內山教冊，無常在轉來。猶會記得阿瓊細漢有『起床氣』透早就張咧起性地，有時閣會聽著咧 嘛嘛吼。不而過，阿瓊大漢了膽頭足在的。 4. 四叔仔in阿輝較大漢我，伊會共細漢阿兄耍，我較有印象。五嬸上大漢後生阿強（志強）減我兩三歲， 我較袂記得矣。 5. 這馬二兄in咧睏的房間原來是khng3粟仔的倉庫，分食了嘛閣用一陣，聽候娶二嫂入門才變新娘房。